AITA MARI laguntza humanitarioko itsasontziaren 2026ko kanpaina

Misio bakoitza erronka logistiko bat da, eta ahalegin handia egiten da beharrezko hornidura guztiak lortzeko. Zuen laguntzari esker, honako behar hauek estali ditzakegu:

* Oinarrizko hornidura: Janaria, erregaia, salbamendu-ekipoak, arropa lehorra eta sendagaiak. Ematen duzuen euro bakoitza erreskatatzen dugun jendearentzako ezinbesteko baliabide bihurtzen da zuzenean.

Salbamendu-ontzia hobetzea: Aita Mari da itsasoan dugun etxea eta gure erreskate-tresna bakarra. Baldintza ezin hobeetan mantentzea eta puntuko teknologia eskuragarri izatea erabakigarria bihurrtzen da operazio bakoitzean.

Lurreko errefortzua: Lurreko azpiegitura eta baliabideak hobetzen ditugu, laguntza eraginkorragoa eta koordinatuagoa eskaintzeko.

Itsasoko operazioez gain, lurrean lan egiten dugu, gizartea hezi eta kontzientziatzeko. Zuen laguntza funtsezkoa da honako hauek finantzatzeko:

* Sentsibilizazioa: Heziketan eta pertsona migratzaileen eta errefuxiatuen errealitateari buruzko kontzientzia sortzeko saioak ematen ditugu.

Hitzaldiak eta mahai-inguruak: Elkarrizketak, estereotipoak eraitsiz eta migrazioaren konplexutasunari buruzko hausnarketa sustatzen dituzten ekimenak antolatzen ditugu arreta kolektiborik kalteberenetan jarriz, hala nola emakumeetan eta adingabeetan.

Zuen laguntzarekin, gizarte-oinarri sendoagoa eraiki nahi dugu, finantza-autonomia handiagoa lortzeko. Kanpoko iturrien eta jendearen zuzeneko elkartasunaren menpe gutxiago egotea ahalbidetzen diguten estrategiak garatzen ditugu. Horrela, gure jarraitutasuna ziurtatu eta bizitzak salbatzen jarraitzeko.

Laguntza humanitarioko eta salbamenduko itsasontziak Aita Mari laguntza ematen die, hainbat arrazoirengatik, egoera oso ahulean eta arriskuan Mediterraneo itsasoa zeharkatu behar duten pertsonei. Ikuspegi nagusia itsasoan leku seguru bat eskaintzea da; beraz, zuzeneko hartzailea ontzi prekarioetan daudenak dira, hondoratzeko arriskuan daudenak eta berehalako laguntza humanitarioa behar dutenak.

Muturreko kalteberatasun-egoeran dauden pertsonak: Nagusiki migratzaileak eta errefuxiatuak, emakumeak, gizonak, inoren kargura ez dauden adingabeak, familia osoak eta gaixoak edo dibertsitate funtzionala duten pertsonak barne, gatazka armatuetatik, jazarpenetik, ezegonkortasun politikotik, muturreko pobreziatik edo krisi klimatikoaren ondorioetatik beren jatorrizko lekuetan ihes egiten dutenak.

Tripulatzaileak eta boluntarioak: Proiektua erreskate-misioetan aktiboki parte hartu nahi duten boluntario eta profesionalen sare bati ere zuzentzen zaio, itsasontzian jarduteko eta itsasoan laguntza emateko ezagutzak eta trebetasunak eskainiz.

Gizarte zibila eta nazioarteko komunitatea: Bere ikusgarritasun eta salaketa lanaren bidez, Aita Mari gizarteari zuzentzen zaio oro har, baita gobernuei eta erakundeei ere, Mediterraneoko mugako erregimenak eragiten duen indarkeriari buruzko kontzientzia sortzeko. Horren helburua hausnarketa kritikoa sustatzea eta gizartea mobilizatzea da, elkartasunaren eta, oro har, giza eskubideen errespetuaren alde ager dadin, bereziki Europako migrazio-agendara bideratuta.

Emaileak eta laguntzaileak: Proiektua partikularren, erakundeen eta enpresen laguntzan oinarritzen da, modu altruistan, itsasontziaren eraginkortasunari, misioen jarraitutasunari eta SMHren sentsibilizazio-lanari eusteko laguntza ekonomikoa edo baliabideak ematen baitituzte.

Laburbilduz,* Aita Mari k genero-ikuspegi ekologista du, eta ikuspegi hori islatzen da pertsona guztiekin duen konpromisoan, jatorria edo egoera edozein dela ere, eta mundu bidezkoago eta bizigarriago baten defentsan. Itsasontzia itxaropenaren sinbolo bihurtu da, itsasoan bizitzak salbatzen laguntzen duen eta gizartea interpelatu nahi duen elkartasun tresna, mundu gizatiarrago baten eraikuntzan parte har dezan.

Euskadin oinarritutako erakunde humanitario bat gara, 2015eko azaroan sortua, larrialdien erreskatean eta kudeaketan esperientzia handia duen talde baten eskutik.** Historiaren 10 urte hauetan,* laguntza humanitarioa duintasunez eta profesionaltasunez 100.000 pertsona baino gehiagori** eskeini diegu.

Gure zeregin nagusia Mediterraneoko itsas erreskatea da. Laguntza humanitarioa eskaintzen diegu migratzaileei eta errefuxiatuei, askotan indarkeriatik edo pobreziatik ihes egiteko duten bide bakarra delako, bide legalik edo alternatiborik ez dutelako.

Gainera, lankidetzan ari gara tokiko erakundeekin lankidetza-proiektuak finantzatzeko, hala nola indarkeria matxista jatorrizko herrialdeetan eta migrazioaren igarobidean. Manta (Ekuador), Atenas eta Kenyako* ekimenen kasua da. Horrela, pertsonak etxetik ihes egitera behartzen dituzten kultura eta egitura-arrazoi sakonei aurre egiteko lan egiten dugu.

Gizarte-aldaketa bat sortzeko, gizartea eraldatzeko sentsibilizazio eta hezkuntza-programa bat gauzatu genuen, eta eztabaida-guneak sortu genituen migrazioaren azpian dauden arrazoiei buruz hezteko hainbat autonomia-erkidegotan, hala nola Euskadin, Nafarroan, Madrilen, Valentzian, Kantabrian eta beste batzuetan.

Gure diziplina anitzeko taldea pertsona konprometituez eta erreskatean, laguntza humanitarioan eta lankidetzan esperientzia duten pertsonez osatuta dago. Elkarrekin bat, lan egiten dugu egunero aurre egin behar diegun erronka tekniko, sozial eta politikoei aurre egiteko.

Laburbilduz, gure historia eta gure proiektuak kausa humanitarioarekiko eta giza eskubideekiko konpromiso etengabearen hamarkada baten isla dira, itsasoan zein lehorrean.